MSHAHARA WA MWIZI TOKA KWA WALIMWENGU NDIO HUU HAPA

KIJANA ATEKETEZWA KWA MOTO BAADA YA KUHISIWA KUWA NI MWIZI WILAYANI KAHAMA

Kijana mmoja anayesadikiwa kuwa ni mwizi ambaye jina lake halikuweza kufahamika mara moja amefariki dunia baada ya kuchomwa moto na Wananchi wanaodaiwa kuwa na hasira, katika kijiji cha Kagongwa Wilayani Kahama Mkoani Shinyanga.

Kwa mujibu wa mashuhuda tukio hilo limetokea jana majira ya Saa saa mbili usiku kufuatia marehemu kujaribu kukodisha Usafiri wa pikipiki maarufu kama bodaboda kwa lengo la kwenda Kijiji jirani cha Mwankumba. 

Imeelezwa kuwa madereva hao wa bodaboda walishtuka kuoa mtu huyo akiwa amevaa koti kubwa, ndipo walipomuliza ili kujua vitu alivyobeba, na ndipo alipojaribu kukimbia kabla ya kukamatwa na wananchi waliokuwepo katika eneo hilo.

Hata hivyo baada ya Kijana huyo kukamatwa amekutwa akiwa na Mapanga mawili aliyoyaficha ndani ya koti, jambo lililopelekea wananchi hao kuchukua jukumu la kumchoma moto wakimuhisi kujihusisha na matukio ya wizi.

Baada ya tukio hilo Jeshi la Wilayani Kahama limefika eneo hilo na kuchukua mwili wa marehemu ambao kwa sasa umehifadhiwa katika hospitali ya wilaya ya Kahama, huku uchungizi zaidi wa tukio hilo ukiendelea.